رکن پارلیمان اور نیشنل کانفرنس کے سینیئر رہنما محمد اکبر لون نے بانڈی پورہ کے نائدکھے سوناواری میں اپنا ووٹ ڈالا۔

نائدکھے انتخابی نشست پر آج پولنگ ہو رہی ہے۔ نائدکھے محمد اکبر لون کا آبائی گاؤں ہے اور وہ سوناواری اسمبلی سے تین دفعہ ایم ایل اے رہ چکے ہیں۔

اس کے علاوہ بارہمولہ پارلیمانی انتخابی نشست سے رکن پارلیمان ہیں۔ نائدکھے ان کا گڑھ تصور کیا جاتا ہے۔ تاہم کچھ وجوہات کی بنا پر گزشتہ دفعہ ان کے خاص ساتھی سمجھے جانے والے سینیئر سیاسی رہنما نور محمد ان کے مخالف ہوگئے اور وہ خود بھی آزاد امیدوار کی حیثیت سے انتخاب لڑ رہے ہیں۔

نائدکھے میں ایک جانب سے اکبر لون گپکار اتحاد اور نیشنل کانفرنس کے امیدوار کے لئے کافی محنت کررہے ہیں تو دوسری جانب سابق ایم ایل سی یاسر ریشی کے علاوہ کانگریس پارٹی کے رہنما امتیاز پرے نے نور محمد کے ساتھ ہاتھ ملایا ہے تو اس ضمن میں نائدکھے انتخابی نشست پر مقابلہ کافی اہمیت کا حامل ہے اور دلچسپ مقابلہ دیکھنے کو مل رہا ہے۔

اپنا ووٹ کاسٹ کرتے وقت اکبر لون نے میڈیا کو بتایا کہ وہ اور ان کی جماعت اور گپکار اتحاد سے منسلک رہنما جموں و کشمیر کے لئے دفعہ 370 کی واپسی تک چین سے نہیں بیٹھیں گے۔

Courtesy: ETV Bharat

The put up ‘دفعہ 370 کی واپسی تک چین سے نہیں بیٹھیں گے’ appeared first on Kupwara Times.

Source by [author_name]